|
荷里活嘅工會活動升級，除咗早前已經開始嘅編劇大罷工外，就連坐擁16萬個會員嘅演員工會 (SAG-AFTRA) 亦於美國時間週四宣佈與電視電影製作人聯盟 (AMPTP)談判破裂，並會於當地時間14日凌晨加入罷工。由於按工會規定，所有會員，包括新聞主播、主持、特技演員以及超過65,000名電影、電影演員，於罷工期間都不能參與任何拍攝及宣傳，所以Christopher Nolan嘅新戲《Oppenheimer》昨日於英國倫敦舉行嘅首映就出現有趣一幕：行紅地氈時齊齊整整、到套戲開播之後啲演員就唔見哂。 |
|
|
|
|
卻說週四時《Oppenheimer》於英國舉行首映，從照片中可見Cillian Murphy、Emily Blunt、Matt Damon、Florence Pugh、Robert Downey Jr. 等人都有出席紅地氈，但入到場就僅剩導演Christopher Nolan以及數名幕後人員，Nolan向觀眾發言時感謝演員們嘅貢獻，隨後說道：「紅地氈時佢哋有黎，但佢哋依家去咗幫工會寫抗議紙牌，因為佢哋會加入我屬於嘅工會，編劇工會嘅罷工，為會員們爭取公平薪酬。」 而滇員之一Emily Blunt亦於紅地氈上「預告」會離席，佢表示：「我希望大家都可以有個公平嘅協議。我哋黎係為咗慶祝套戲，之後所有演員都會團結地離開。」 |
|
|
 圖片：Film Updates
|
|
|
今次演員工會加入罷工，其訴求與早前編劇工會宣佈罷工時如出一轍，都係圍繞演員收入以及AI發展。演員Mehdi Barakchian接受CBS訪問時表示，以往演員能夠透過電視台重播劇集或電影而收到分成，為不少只能做配角或者客席演員嘅「中層演員」提供「普通美國生活」水平嘅收入。但近年因為通漲及串流平台影響 (串流平台無提供此分成)，就令佢哋難以維生。佢表示據工會數據，目前有超過一半會員嘅年收入不足2.6萬美金，低到唔符合透過工會購買健康保險嘅要求。 演員工會行政總裁Duncan Crabtree-Ireland亦於記者會上表示，片方提出向背景演員 (臨時演員)作電腦掃瞄，掃瞄結果由片方擁有，往後可以自由無限次使用，但演員就只會收到一日 (掃瞄當日) 嘅薪酬。 |
|
|
資料來源：Deadline、CBS |
|
