《凸務之王》—— Austin Power，一啲廿幾歲打後嘅師兄師姐們應該都會有聽過呢套電影，什或是睇過呢套喜劇電影。呢套由英美合拍嘅喜劇電影主要以反諷，改寫以及誇大經典特工電影系列「007」。

《凸務之王》故事好簡單卻不俗套，主要係講主角 —— 特務Austin Power （港譯：包話事）點樣一次又一次去破壞反派邪惡博士嘅一連串嘅陰謀詭計，而執行任服嘅途中亦引發各種笑料，而 Austin Power 往往都係可以蝦碌地完成任務。

講返正題，喺《凸務之王》呢個 Series 喺 1997 年至 2002 年間一共推出咗三部電影作品，而所謂嘅「第四部作品」其實都已經被傳過好多次，編劇兼主演嘅 Michael Myers 亦曾經多次講過有興趣開拍新一輯《凸務之王》，更什者講過「決定開拍」，但最後結果都係不了了之。

但係今次好似又有轉機喎！就喺今個月月初， Michael Myers 就公開表示大家準備再次見到邪惡博士啦。首先佢認為呢套「第四部作品」聽起上嚟將會係一套好作品，其後更公開話對開拍持開放態度。

首先大家要搞清將會見到 Dr. Evil 唔代表佢係會喺呢套所謂「第四部作品」，轉個角度講可以係以其他形式例如客串形式或電視作品，不過佢又講埋關於「第四部作品」嘅其他立場，真係叫我哋 R 爆頭... 個人當然希望拍得成啦因為呢個對我嚟講都算係一個另類嘅童年回憶。