繼之前咩都標(MetalBuild)推出初號機號，依家再接再勵，推出MetalBuild Crossbone Gundam XM-X1。早前官方都已經放風同有條二十幾秒嘅Youtube 片，已確認會有X1 同X2 推出，當然唔止咁少啦，所以佢哋官方都有個標題: This is only the beginning...

除咗一貫金屬感上色，今次連身上嘅拉花圖案都係金屬色，配合上「海盜」哩款高達，完全Perfect Match。而好多人都擔心咩都標化嘅U.C. 系機可能會有改「過咗火」，就以上一款F91為例，評價好壞參半，而今次嘅X1，完全係改咗仲型仔，U.C. 系機可以安心咩都標化啦!

Crossbone 其中一個特徵係件斗篷，無論MG定HG，件嘢都出得好Hae下，求其畀塊爛布你就算，但今次真係唔同晒，完全係另一個層次，無論質地定設定，都令ABC哩件嘢變返做「裝備」。

Crossbone 嘅另一賣點，係佢豐富嘅武器，而且係周身刀，張張利，睇下咩都標化下X1 武器會變成點。

熱能短刀 - Heat Dagger - ヒートダガー : 小型實體刀，平常收喺小腿後方，另外可以藏喺腳板底。

光束斬馬刀 - Beam Zamber - ビームサーベル。

光束破壞槍 - Buster Gun - バスター銃。

高出力光束破壞槍 - Zam Buster - ザンバスター：結合「斬馬刀」同「破壞槍」嘅超強力光束武器。

剪型錨 - Scissor Anchor - シザー・アンカー：叫得MetalBuild, 今次錨嘅鏈點會唔係用鐵鏈丫。夾埋把斬馬刀出去都得呀...

ABC斗蓬 - Anti Beam Coating Mantle - ABCクローク：咪以為係爛布一塊，實質好有用，好似光束塗層咁，可以擋到5嘢光束攻擊。

烙鐵標識器 - Brand Marker - ブランド・マーカー：發放嘅能量唔同，可以改成發放光盾。

今次哩款X1最特別嘅地方，係附有名為「Billy」嘅小型偵察機。任何出過嘅版本都無附哩隻雀。

細緻度絕不馬虎，要知道Crossbone 係15米高嘅細機嚟，連咁細個頭同核戰機都有咁仔細嘅塗裝，Fans 們一定甘心奉上錢包君。

出完X1、X2之後，一定排山倒海咁出埋X1改、X1改改、X1FC、X2改、X3、X0.....

咪到時又葡萄人訂到，今個月28號開始可以訂㗎啦!

MetalBuild Crossbone Gundam X1

發售日期:2019年1月(予定)

售價:22,000円(未連稅)

2018年9月28號起開始接受店舖預訂

資料來源:Gundam Info MB XM-X1